Në zonën e Astirit, një vajzë ka telefonuar Policinë, duke pretenduar se është dhunuar nga disa persona.
Sipas njoftimit zyrtar, shtetasja S.Q. ka raportuar nga një banesë në katin e 8-të, ku aktualisht ndodhet e mbyllur dhe nuk pranon të hapë derën për forcat policore.
Menjëherë pas telefonatës, në vendngjarje kanë mbërritur shërbimet e Policisë, Grupi Hetimor dhe zjarrfikësit, të cilët po punojnë për të sqaruar rrethanat e ngjarjes dhe për të ndihmuar qytetaren.
Policia ka nisur negociatat me vajzën për të siguruar hapjen e derës dhe vijimin e procedurave hetimore. Ndërkohë, situata mbetet e tensionuar dhe në pritje të zhvillimeve të mëtejshme.
Tiranë/Informacion paraprak
Shtetasja S.Q, ka njoftuar sallën operative se ndodhet në një banesë në katin e 8-të, dhe pretendon se është dhunuar nga disa persona.
Menjeherë në vendngjarje kanë mbërritur sherbimet e Policisë, Grupi Hetimor, shërbimet zjarrëfikëse dhe po punojnë për zbardhjen e rrethanave të ngjarjes si dhe ofrimin e ndihmës së qytetares.
Shërbimet e Policisë po negociojnë me shtetasen S.Q, pasi e ka mbyllur deren dhe nuk pranon ta hap.
