Autori i atentatit të dështuar në “Don Bosko” në vitin 2023, Andrea Bregasi, ka ndërruar jetë në burgun e Fushë Krujës. 32-vjeçari mësohet se ka ndërruar jetë për shkak të një arresti kardiak në ambientet e spitalit të qytetit.
Mësohet se i riu ka qenë përdorues i lëndëve narkotike, si dhe trajtohej me metadon. Ai kishte vetëm 9 ditë në qeli, pasi u vu në pranga më 11 korrik të këtij viti, pasi ishte shpallur në kërkim lidhur me atentatin e Don Boskos.
Andrea Bregasi ishte akuzuar se qëlloi me pistoletë mjetin që drejtohej nga 42-vjeçari Rudolf Zefi. Bregasi atë kohë, thuhet se qëlloi gjashtë herë me armë drejt automjetit ku udhëtonte Rudolf Zefi, së bashku me dy persona të tjerë, mëngjesin e së enjtes (14 Dhjetor).
