Minatorët e Bulqizës kanë vijuar protestën edhe ditën e sotme, duke theksuar se nuk do të ndalen deri në realizimin e kërkesave të tyre. Ata kërkojnë rritje pagash dhe heqjen e detyrimit për të punuar të shtunave.
“Nëse nuk na plotësohen kërkesat, do të përshkallëzojmë protestën deri në grevë urie dhe bllokimin e evadit të kromit,” thanë minatorët.
Nga ana tjetër, kompania ka kërkuar bisedime me ta, por ka deklaruar se rritja e pagave për momentin është e pamundur.
Në protestë ka qenë e pranishme edhe policia e Bulqizës. Ndërkohë, një ditë më parë, minatorët kanë denoncuar kushtet e vështira të punës dhe shfrytëzimin që, sipas tyre, po u bëhet.
