- Shtypi saudit raporton se CR7 është gati të firmosë për 200 milionë euro.
Martesa arabe vazhdon. Cristiano Ronaldo është gati të nënshkruajë zgjatjen e kontratës me Al-Nassr deri në qershor të vitit 2026. Sipas shtypit saudit, të cituar nga media spanjolle, marrëveshja është mbyllur dhe CR7, i cili në shkurt do të festojë ditëlindjen e tij të 40-të, do të vazhdojë të luajë në Saudi League me një rinovim prej 200 milionë eurosh. Në të ardhmen e kampionit portugez ishte shfaqur edhe mundësia për të përfunduar karrierën në Amerikë, në MLS, për të rikthyer rivalitetin e përjetshëm me Leo Messin. Por, siç duket, Ronaldo do të qëndrojë në Arabinë Saudite, vend për të cilin ai është bërë gjithashtu ambasador në kuadër të Kupës së Botës 2034.
