Presidenti i Ukrainës, Volodymyr Zelensky, dhe disa liderë të tjerë botërorë kanë uruar Presidentin e zgjedhur të SHBA-ve, Donald Trump, për fitoren e tij në zgjedhje.
Në një postim në rrjetin social X, Zelensky e përgëzoi Trump-in për “fitoren mbresëlënëse” dhe vlerësoi angazhimin e tij për qasjen “paqe përmes forcës” në çështjet ndërkombëtare. Ai u shpreh se kjo qasje mund të kontribuojë për paqe në Ukrainë dhe shtoi se shpreson që ta realizojnë këtë vizion së bashku.
Urime për fitoren e Trump kanë ardhur gjithashtu edhe nga kryeministri izraelit, Benjamin Netanyahu, dhe kryeministri hungarez, Viktor Orban. Netanyahu e cilësoi fitoren e Trump-it si “rikthimi më i madh në histori” dhe theksoi rëndësinë e një aleance të fortë midis SHBA-së dhe Izraelit. Ndërkohë, Orban përgëzoi Trump-in duke e quajtur fitoren e tij “shumë të nevojshme për botën”.
