Diskutimi për drejtësinë është kthyer në targetin e çdo takim të kryeministrit Edi Rama. Pas mbledhjes të paradites me grupin parlamentar të PS ku mbajti fjalim të gjatë “programatik” për SPAK-un, ai foli edhe në takimin e pasdites me asambletë socialiste të Tiranës.
Edhe pse korrupsioni ka qenë kryefjalë gjatë qeverisjes së tij, Rama e sheh si barë për taksapaguesit shqiptarë arrestimet siç i quan ai pa gjyq.
“Arrestimi pa gjyq është i paligjshëm. Këto arrestime të paligjshme nesër i paguan taksapaguesi shqiptar si formë dëmshpërblimi. Përse duhen këto arrestime pa gjyq?” – deklaroi ai.
Por edhe pse ka shtuar dozën e kritikave ndaj SPAK dhe GJKKO, Rama sërish thotë se PS është e vetmja garanci për drejtësinë e re. Ndërsa kësaj here vuri në dukje se edhe ambasada e SHBA nuk bën më deklarata për reformën në drejtësi.
“Për herë të parë që nga viti 1991 nuk ka më deklarata nga ambasada e SHBA për reformën në drejtësi. Kush e mban tani SPAK-un dhe GJKKO-në larg duarve të bufit? E dëgjuat që tha do e shkrijë SPAK-un? Noc rrokun në 11 maj,” u shpreh Rama.
