Jashtë stadiumit ku luhet ndeshja Shqipëri -Serbi por në mbështetje të kombëtares. Tifozat Kuq e Zi përmes një njoftimi të shpërndarë në rrjete sociale, ka bërë thirrje për grumbullim të gjithë shqiptarëve në Tiranë, më 7 qershor, ora 19:00, në Lulishten “Vëllezërit Frashëri” përballë Piramidës. Aty do të vendoset një ekran gjigand ku do të transmetohet live sfida.
“Pavarësisht se nuk do të jemi në stadium më 7 qershor, kur Shqipëria do të përballet me shkijet, ne do të jemi aty pranë. Për ne nuk ka rëndësi prezenca në stadium, por do të jemi aty për Kombin, duke kënduar të gjithë krah njëri-tjetrit,” – thuhet në deklaratën e tyre.
Tifozët synojnë ta kthejnë këtë ditë në një festë të vërtetë kombëtare, me këngë, atmosferë dhe mbështetje të pakushtëzuar për kuqezinjtë.
