Gjatë një feste në një lokal, njërit nga personat e pranishëm dyshohet se i është shkrepur arma në mënyrë të pavullnetshme, duke plagosur tre persona.
Autori I dyshuar është djali I biznesmenit Hajri Elezi.
Ai ishte ftuar në ditelindjen e një mikut të tij që ja kishte organizuar surprizë e shoqja. Ka hequr krehërin dhe ka bërë shkrepje. Pistoleta ka qenë e mbushur dhe plumbi ka kapur gruan dhe dy të tjerët.
Hajri Elezi është biznesmen i njohur, I arrestuar vite më parë për naftën virgine, ndërsa aktualisht ka fabrikën e ujit Lajthiza.
Tiranë/Informacion paraprak
Më datë 23.07.2024, rreth orës 01:35, janë paraqitur në një spital privat, për ndihmë mjekësore, shtetasit E. P., 36 vjeçe, A. P., 36 vjeç, dhe D. P., 34 vjeç, me dëmtime të shkaktuara dyshohet nga armë zjarri.
Këta shtetas, rreth orës 01:30 të mëngjesit të sotëm, kanë qenë duke festuar së bashku me persona të tjerë nga rrethi i tyre shoqëror dhe familjar, në një lokal në Rrugën e Kavajës.
Nga tërësia e veprimeve hetimore paraprake është bërë i mundur identifikimi i autorit të dyshuar, shtetasit E. E., 32 vjeç, banues në Tiranë. Ky shtetas dyshohet se aksidentalisht, me një armë zjarri të cilën e mbante pa leje, ka bërë një shkrepje të pavullnetshme, dhe si pasojë e saj janë dëmtuar shtetasit e mësipërm.
Shtetasit D. P., dhe A. P., pas marrjes së ndihmës mjekësore janë larguar për në banesë, ndërsa shtetasja E. P., ndodhet në spital, nën kujdesin e mjekëve, jashtë rrezikut për jetën.
Grupi hetimor, nën drejtimin e Prokurorisë, po vijon punën për dokumentimin e plotë ligjor të këtij rasti dhe kapjen e shtetasit E. E.
