Një incident ka ndodhur në aeroportin e Bergamos i njohur si “Orio al Serio” në Itali, pasi një avion i kompanisë “Ryanair” i plasën gomat e pasme.
Avioni që mbërriti nga Barcelona El Prat po ulej në orën 07:55 të mëngjesit me orën lokale, kur katër gomat e pjesës së pasme shpërthyen, duke e lënë të bllokuar në pistë.
Për fat të mirë incidenti nuk ndikoi në manovrën e uljes si dhe nuk shkaktoi ndonjë problem të veçantë në bord, thanë autoritetet e aeroportit.
Megjithatë, është dëmtuar pista duke detyruar kështu riparimin urgjent të saj.
Ditën e sotme aroporti i Bergamos me anë të një deklarate është shprehur se fluturimet në aeroport pritet të rifillojnë mbrëmjen e sotme.
