Një 24 vjeçar është vënë në prangat e policisë pasi i kishte vënë gjobë pronarit të Sky Tower, ish deputetit të Partisë Socialiste, Vladimir Kosta.
Selman Totraku ka pretenduar se ish deputeti i kishte dëmtuar banesën dhe për këtë i kërkonte 200 mijë euro.
Policia ka mundur të arrestojë të riun dhe gjatë kontrollit fizik i ka sekuestruar dy kaçavida që i mbante me vete.
Njoftimi i Policisë:
Specialistët e Sektorit për Hetimin e Krimeve të Rënda në DVP Tiranë arrestuan shtetasin S. T., 24 vjeç, banues në Tiranë, për veprën penale "Shtrëngimi me anë të kanosjes ose dhunës për dhënien e pasurisë", parashikuar nga neni 109/b i Kodit Penal.
Ky shtetas dyshohet se, në vende dhe periudha të ndryshme kohore, ka kanosur një 60-vjeçar për dhënie pasurie, me pretendimin se ky i fundit i ka dëmtuar atij banesën.
Në cilësinë e provës materiale u sekuestruan dy mjete të mprehta (kaçavida), të cilat ju gjetën shtetasit S. T. gjatë kontrollit fizik.
Materialet i kaluan Prokurorisë.
