Italia hap sot dy qendrat e ndërtuara në Shqipëri për të pranuar emigrantët, tha një zyrtar italian, pjesë e një marrëveshjeje midis dy vendeve që synon trajtimin e migracionit të parregullt në Bashkimin Evropian.
Marrëveshja synon të dekurajojë numrin në rritje të emigrantëve që vijnë nga Afrika, Lindja e Mesme dhe më gjerë në Itali.
“Nga sot të dy qendrat janë funksionale dhe gati për të mirëpritur të parat”, tha një zyrtar italian i cili foli në kushte anonimiteti në portin e Shëngjinit, citon Reuters.
Marrëveshja e vitit 2023 me Shqipërinë parashikon që emigrantët e parregullt që mbërrijnë në Itali do të dërgohen me anije në Shëngjin, ku do të identifikohen dhe do të shqyrtohen kërkesat e tyre për azil.
Më pas ata do të udhëtojnë për një distancë të shkurtër në brendësi të tokës deri në qytetin e vogël të Gjadrit, ku do të akomodohen.
