Gazetari Berat Buzhala e cilëson xhaminë e Namazgjasë si një “xhami politike” pas inaugurimit të saj nga kryeministri Edi Rama dhe presidenti turk Erdogan. Ai e shpreh shqetësimin se nuk kishte nevojë për një vizitë të presidentit turk në Shqipëri për këtë ngjarje, veçanërisht kur kreu i Komunitetit Mysliman Shqiptar mungonte në ceremoni.
Gjatë diskutimeve në emisionin “Opinion”, Buzhala u përball me aktivisten Edlira Durmishaj, e cila e akuzoi atë për “islamofobi obsesive”. Buzhala, në reagimin e tij, shprehu mendimin se burka duhet të ndalohet me ligj në Shqipëri.
Berat Buzhala: Sot e kësaj dite unë e mbështes faktin që femra shqiptare nuk duhet të jetë komplet e mbuluar.
Edlira Durmishaj: Ju jeni një islamofob obsesiv.
Blendi Fevziu: Edhe tani njësoj është nuk ka ndryshuar.
Berat Buzhala: As atëherë as tani. I mbroj ato qëndrime që duhet të ndalohet me ligj burka.
