Prokuroria e Posaçme kërkoi dënimin me 19 vite burg për të shumëkërkuarin Talo Çela, për megagrabitjen e ndodhur më 9 prill 2019 në Aeroportin Ndërkombëtar të Rinasit. Çela ishte pjesë e grupit kriminal të drejtuar nga Admir Murataj, i cili, pasi hyri brenda perimetrit të aeroportit, në bordin e një avioni grabiti miliona euro.
Gjatë ndjekjes nga policia, kreu i grupit, Admir Murataj, mbeti i vrarë. Pas grabitjes në Rinas, grupi kriminal u përça dhe shumë nga anëtarët e tij janë ekzekutuar.
Talo Çela është në kërkim ndërkombëtar, dhe aksionet për arrestimin e tij kanë dështuar herë pas here. Pas pendimit të Nuredin Dumanit, ndaj Çelës janë ngritur akuza të rënda për vrasje dhe pjesëmarrje në grup kriminal.
