Veriu i Shqipërisë bashkë me Rajonin e Vanit në Turqi rezultojnë të jenë më të varfrit në Europë, bazuar ne treguesin e te ardhurave per frymë i matur nga fuqia blerëse në raport me mesataren e BE, referon Vjetari rajonal 2024 i Eurostat.
Sipas Eurostat, fuqia blerëse ne Rajonin e Veriut te Shqipërisë (Durrës, Dibër, Kukes, Lezhë dhe Shkodër) eshte sa 25% e mesatares se BE-së, duke lënë pas vetën Rajonin lindor të Vanit në Turqi me 24% të mesatares së BE. Konvergjencen me te madhe me nivelin ekonomik te BE e ka rajoni i Qendres se vendit me qarqet e Elbasanit te Tiranes. Ne kete rajon, fugia blerese eshte sa 38% e mesatares se BE raporton Eurostat, i cili referon se edhe Rajoni i Jugut ne Shaiperise (Berat, Fier, Gjirokaster, Korçe dhe Vlore) ka fuqine blerese sa 28% e mesatares se BE më 2022, një nga më të varfrat në Europe.
Në total, Shqipëria ka të ardhurat për fryme në raport me fuqine blerese sa 34% e mesatares sẽ BE ne vitin 2022. Ndonese ekonomia jone po rritet me shpejt sesa ne vendet e Ballkanit Peréndimor, serish familjet dhe individet shqiptare jane me te varfër sesa shtetet e tjera fainje, sidomos kur maten per te ardhurat sipas fuqise blerese.
Të dhënat tregojnë se po thellohen diferencat rajonale brenda vendit.
Sipas të dhënave të INSTAT ekonomia e vendit u rrit me 27,8% nga 2011 më 2021, ndërsa PBB e Rajonit të Veriut u rrit me vetëm 16.4%.
Brenda rajonit te Veriut, ecurinë më të dobët e ka Qarku i Kukesit, ekonomia e te cilit ka pesuar rènie me 6.6% në dekadën e fundit. Ndërsa rritja reale e PBB-së në rajonin Shkodër ishte vetëm 1.7% gjatë 2011-2022 në nje kohe qe ekonomia kombëtare u rrit me gati 28%.
Rritja ekonomike e vendit në dekadën e fundit është shpërndarë në mënyrë të pabarabartë në rajonet e tij. Vit pas viti, qendra e vendit po fuqizohet ekonomikisht, kurse rajonet e Veriut dhe Jugut janë rritur nën mesataren kombëtare.
Qarqet e Dibrës dhe Kukësit, që u vlerësuan si më te varfrat ne vitin 2011, jane varferuar mẽ tej ne dekadën e fundit. Politikat ekonomike dhe sociale nuk po sigurojne kohezionin social dhe per shkak te kesaj dukurie, garqet e vendit, sidomos Veriu, po shpopullohet me shpejtesi duke zgjedhur emigracionin kryesisht, edhe pse disponojnë burime natyrore te shumta.
Në Shqipëri mungojne politikat e zhvillimit rajonal dhe shpesh financimet e qeverisë qendrore nuk kanë shpërndarje të drejtë në raport nevojat. Psh pavarësisht se të dhënat zyrtare tregojnë se Kukësi dhe Shkodra po perkeqësojnë nivelin e tyre ekonomik, qeveria çon investimet në qarge që kanë më pak nevoja lokale dhe kanë potenciale më shumë për tu zhvilluar.
Të dhënat nga Ministria e Financave tregojne se né vitin 2023 ne 12 bashkité e medha te vendit, qe perfaqesojne qendrat e prefekturave, u investuan gjithsej 16,6 miliarde leke (fondet e veta + transferta e buxhetit qendror) nga 31,6 miliarde leke te planifikuara.
Të dhena më të detajuara tregojnë se bashkitë e Veriut kishin një realizim më të mirë të fondeve në raport me programin krahasuar me bashkitë e tjera./Monitor/
