Blogerja dhe moderatorja Fjoralba Ponari ka shpërndarë në rrjetet sociale itinerarin e protestës qytetare që po zhvillohet në Tiranë kundër qeverisë.
Në postimin e saj publikohet harta e marshimit dhe rregullat e reja të organizimit, ku theksohet se nga sot marshimi do të zhvillohet brenda Unazës së Tiranës, nuk do të ndahet në grupe dhe nuk duhet të marrë drejtime spontane. Sipas njoftimit, ora e nisjes së marshimit është 20:30, ndërsa pjesëmarrësve u kërkohet të lënë gjithmonë një korsi të lirë për emergjencat.
Publikimi i itinerarit nga një figurë e njohur e rrjeteve sociale vjen në ditën e 15-të të protestës, e cila prej dy javësh po zhvillohet çdo mbrëmje në kryeqytet.
