Protesta më e vogël e Shqipërisë u mbajt në Përrenjas. Një qytetar doli vetëm në shesh dhe mbajti fjalimin e tij për një publik që nuk ishte aty.
“Mirëmbrëma dhe mirë se keni ardhur. Në fakt, ju nuk keni ardhur, por s’ka problem, erdhëm ne. Thamë t’ju përshëndesim.”
Me ironi dhe zhgënjim, ai foli për mungesën e reagimit qytetar, ndërsa kujtoi se ishte bir i asaj ane dhe se kishte menduar t’u drejtohej bashkëqytetarëve të tij. Në fund, mesazhi u bë më i rëndë kur përmendi martirët e fjalës së lirë, Vilson Blloshmin dhe Genc Lekën.
“Nëse dikush ju pyet nga ishte Vilson Blloshmi, apo Genc Leka, mos u tregoni që ishin nga këto anë, sepse ata do të dridhen në varr.”
Një protestë me vetëm një pjesëmarrës, por me një mesazh që ka nxitur diskutime në rrjetet sociale.
