Një avion i Air India, fluturimi AI171, që po udhëtonte nga Ahmedabad drejt Londrës Gatwick, është përplasur pak pas ngritjes. Avioni kishte 242 persona në bord, përfshirë 169 shtetas indianë, 53 britanikë, një kanadez dhe shtatë portugezë.
Sipas Flightradar24, sinjali i fundit nga avioni u regjistrua në lartësinë 625 këmbë (190 m), disa sekonda pas ngritjes.
Pamjet nga vendi i ngjarjes tregojnë tym të zi që ngrihet mbi një zonë banimi. Policia lokale njofton se avioni u përplas me ndërtesa që shërbejnë si akomodim për mjekët.
Raportohet për një situatë tronditëse në terren, ndërsa ekipet e shpëtimit po vazhdojnë përpjekjet për të shuar zjarrin dhe për të gjetur të mbijetuar.
