Oerd Bylykbashi ka shprehur sot skepticizëm për punën e SPAK lidhur me hetimin e krimit zgjedhor. Në një intervistë televizive për A2 CNN, ai tha se SPAK ka në dorë të bëjë shumëçka, por deri tani nuk kanë bërë gjë. “Kur bëjnë, është shumë pak dhe shumë vonë. Nuk prodhon efektin.”
Këto deklarata, zoti Bylykbashi i bëri në ditën kur Altin Dumani prezantoi publikisht masat që ka marrë Prokuroria e Posaçme për të parandaluar krimin zgjedhor, ndërsa zoti Bylykbashi ishte në krah të tij në tryezën e zhvilluar, por nuk u dëgjua të thoshte ndonjë fjalë.
Po sot, SPAK ndaloi “të fortin” e Shkodrës, Safet Bajrin, personin të cilin PD e zotit Bylykbashi e ka denoncuar si njeriun që ndikoi me grupin e tij në fitoren e PS-së në zgjedhjet e vitit 2023. Nga PD nuk pati asnjë reagim për këtë ndalim dhe, mesa duket, për Oerd Bylykbashin ky duket të jetë një lajm i parëndësishëm.
