Kreu i Partisë Demokratike, Sali Berisha, ka deklaruar sot se SPAK duhet të kishte arrestuar kryeministrin Edi Rama për mitingun e mbajtur në sheshin Skënderbej me punonjës të administratës. Sipas tij, ky tubim përbën shkeljen më të rëndë të ligjit elektoral.
“Nëse SPAK pretendon se do të veprojë kundër krimit elektoral, atëherë ja ku e ka Ramën. Mitingu i mbrëmshëm është dëshmi e qartë e abuzimit me administratën,” u shpreh Berisha.
Ai gjithashtu kritikoi kryeministrin për mosadresimin e skandalit të USAID, duke e akuzuar atë dhe njerëzit e afërt për përfshirje në një çështje financiare të dyshimtë.
Lidhur me zgjedhjet parlamentare të 11 majit, Berisha konfirmoi se negociatat me Partinë për Drejtësi, Integrim dhe Unitet (PDIU) po shkojnë mirë dhe se është i hapur për aleanca me çdo forcë politike që synon rrëzimin e Ramës. Megjithatë, ai theksoi se nuk do të bashkëpunojë me Lulzim Bashën.
