Kreu i grupit parlamentar të Partisë Demokratike, Gazment Bardhi, ka njoftuar se do të depozitojë në SPAK një kallëzim penal ndaj kryetares së Bashkisë së Roskovecit, Majlinda Bufi, dhe zv/kryeministres, njëherësh ministre e Energjisë dhe Infrastrukturës, Belinda Balluku.
Në një postim në rrjetet sociale, Bardhi akuzon dy zyrtaret e larta për shpërdorim detyre, duke deklaruar se ato kanë lejuar ndërtimin e TEC-it të Roskovecit në shkelje të ligjit. Sipas tij, ky projekt është miratuar pa respektuar procedurat ligjore dhe me pasoja për komunitetin dhe mjedisin.
Bardhi thekson se ky kallëzim është pjesë e angazhimit të opozitës për të mbrojtur interesin publik dhe për të ndaluar abuzimet me pasuritë publike. Ai bën thirrje që SPAK të hetojë çështjen me paanshmëri dhe të vërë para drejtësisë përgjegjësi
