Skënder Cena është 74-vjecar (datëlindja 08.11.1951). Një i moshuar me vullnet të hekurt që ka zgjedhur të trokasë sërish në dyert e Shkollës se Mesme Profesionale Kamëz.
Ai është regjistruar për të hyrë në provimin e gjuhës së huaj që do të zhvillohet me 3 qershor dhe më pas të marrë diplomën e maturës shtetërore, në degën “shërbime mjetesh transporti”. Po cila është historia e Skënderit? Dhe përse ai rikthehet pranë kësaj shkolle me shpresën për ta përmbyllur me sukses ciklin? I moshuari e ka përmbyllur procesin mësimor, cikli part time në vitin 2016. Atë vit, ai ka marrë të gjitha provimet përvec gjuhes së huaj anglisht. E vetmja mundësi që ai të diplomohet është të hyjë në provim dhe të marrë notë kaluese. Ndaj ai ka bërë plotësimin e formularit A1Z, që të paraqitet në provim dhe të asistohet për shkak se ka shikim të dobët. Me datë 3 qershor ai do të ulet sërish në bankën e shkollës për të dhënë provimin, edhe pse është 74-vjec. Shembuj të tillë, si ai i Skënderit dëshmojnë se për tu shkolluar nuk është kurrë vonë. E këtë shembull më së shumti duhet ta ndjekin të rinjtë.
