Vjedhja nga punonjësit e UKV, opozita zbulon skemën, Balluku merr masa

Kreu i këshilltarëve të PD në bashkisë Vlorë, Gjergji Nika, ishte ai që bëri publik skandalin e që bëhej në Ujësjellësin e Vlorës. Në datën 28 maj, Nika depozitoi një projektvendim në Këshillin Bashkiak për ngritjen e një Komisioni të Përkohshëm për kontrollin e zbatimit të ligjshmërisë nga shoqëria rajonale e UKV. Duke u bazuar në fatura bankare dhe dokumente përmbarimi, Nika ka nxjerrë zbuluar sesi socialistët pushojnë nga puna të emëruarit e tyre me qëllim që t’u japin pagat e prapambetura, nga 120 milion lekë një pompisti deri në 140 milion lekë një magazinieri.

Në denoncimin e tij Nika bën me dije se në dy muaj janë disbursuar 500 mijë lek për dëmshpërblim pagash.

Pas denoncimit të Nikës në Këshillin Bashkiak ka shkuar menjëherë në Vlorë ministrja Balluku, pasi skema e ndekur nga socialistët doli zbuluar. E gjendur përballë skandalit, ministrja i kërcënoi vartësit e saj  se do t’i çonte në SPAK si grup të strukturuar kriminal.

Referuar situatës ku një numër i madh i punonjësve të Ujësjellësit në Vlorë kanë pretenduar se nuk u janë paguar 2% në vit për vjetërsinë në punë, kompensimin ushqimor apo edhe përqindje për grupin e diplomës dhe kanë fituar me këto pretendime shuma të mëdha parash, Balluku u tha se i kanë hyrë detit në këmbë dhe të vendosin nëse duan të rrinë apo të ikin nga puna.