Gendja shëndetësore e avokatit Sokol Mëngjesi është e stabilizuar, por do e mbajnë edhe për dy ditë në intubim, për të mos rrezikuar.
Mjekët i kanë bërë një skaner, ku kanë vënë re një ulje të vogël të edemës së krijuar pas sulmit. Mjekët kanë nisur edhe uljen e medikamenteve që e mbajnë në gjumë, për të nisur tentativat për ta zgjuar nga koma, e cila zgjat në kohë si proces.
Avokati Mëngjesi u godit me grushta mëngjesin e 29 majit duke i lënë fraktura në kokë.
Autorët e sulmit u identifikuan si Dorian Alia, i cili u vetëdorëzua; Drivald Alia, Elton Kasaj dhe Romario Tabaku, janë në kërkim. I arrestuar dhe Dritan Nano, organizator i goditjes.
