Policia jep detaje për ngjarjen në Shkodër. Sasia e tritolit është vendosur tek porta e banesës së gjyqtarit Sterkaj.
Janë siguruar pamje ku autori i maskuar në fytyrë vendos tritolin dhe largohet me shpejtësi. Deri më tani nuk është identifikuar nga efektivët.
Gjyqtari Sterkaj ka dhënë dëshminë në policinë e Shkodrës duke thënë se dyshon se kjo ngjarje lidhet me detyrën e tij por pa e patur të qartë se për cilin rast mund të bëhet fjalë.
Tonin Sterkaj ushtron prej shumë vitesh detyrën e gjyqtarit në gjykatën e shkallës së parë në Shkodër ndërsa pak më përpara pati një periudhë dy vjeçare që ishte në gjykatën e apelit të Shkodrës dhe pas mbylljes së kësaj të fundit u rikthye në shkallën e parë duke vijuar detyrën e tij.
