Muajt e fundit të 2024-ës u shënuan nga protesta studentore në Beograd, përfshirë edhe natën e ndërrimit të viteve, dhe i njëjti ritëm vazhdon edhe në fillim të 2025-ës.
Studentët e Universitetit të Beogradit, të cilët bllokojnë fakultetin dhe kërkojnë reagimin e institucioneve pas rënies së tendës në Novi Sad më 1 nëntor, kur vdiqën 15 persona, bllokuan unazën e Mostarit, një nga nyjet kryesore të trafikut në qytet.
Para se të mbërrinin studentët, komunikacioni është ndërprerë dhe pjesëmarrësit e protestës janë shtrirë në të dy drejtimet e autostradës ndërkombëtare përmes kryeqytetit të Serbisë, ku kanë qëndruar deri rreth orës 15.00.
Tubimi filloi në orën 13:00 para Pallatit të Drejtësisë në rrugën Savska, ku ndodhen institucione të shumta gjyqësore.
“Duke bllokuar duam të vëmë në dukje nyjen e pazgjidhshme në të cilën ndodhet prokuroria, reagimet e së cilës ose janë të vonuara ose mungojnë plotësisht, ndaj kërkesave dhe ligjeve të qarta dhe të sakta”, shprehen studentët në deklaratë.
Krahas protestave të studentëve, u organizuan edhe protesta të shumta të opozitës, lëvizjeve civile dhe aktivistëve, ku iu bashkuan fermerë dhe përfaqësues të profesioneve të tjera.
Opozita kërkon dorëheqjen e kryetarit të Novi Sadit, Milan Gjuriq, dhe kryeministrit të Serbisë, Millosh Vuçeviq, presidentit të Partisë Progresive Serbe (SNS) në pushtet, si dhe përcaktimin e përgjegjësisë penale për tragjedinë.
