Në moshën 92-vjeçare është ndarë nga jeta një nga figurat më të shquara të sportit shqiptar, Vangjel Koja. Lajmin e trishtë e ka bërë të ditur djali i tij, trajneri i ekipit të vajzave të volejbollit, Orlando Koja.
Vangjel Koja e nisi karrierën e tij si atlet, më pas si basketbollist dhe volejbollist, për t’u bërë trajner i njohur i skuadrës së Dinamos në volejboll për meshkuj. Gjatë kohës si trajner, ai i dha shumë këtij ekipi, duke fituar disa tituj kampionë dhe duke lënë gjurmë edhe në arenën europiane.
Trashëgimia e tij në sportin shqiptar do të mbetet e paharruar.
