Apeli i Posaçëm la në fuqi masën e arrestit me burg për shefin e Komisariatit të Policisë Rrugore Tiranë, Roven Zeka, i dyshuar për korrupsion. Ndërkohë, për shkak të rrethanave familjare, u zbut masa e sigurisë për shefin e hetimit të aksidenteve, Sokol Novaku, nga arrest me burg në arrest shtëpie. Vendimi u dha nga gjyqtari Engert Pëllumbi. Dy zyrtarët e Rrugores dyshohen se kanë kërkuar dhe marrë para nga bashkëshorti i një gruaje të përfshirë në një aksident, me qëllim që të mos e arrestonin atë.
