Tetori është muaji i ndërgjegjësimit për kancerin e gjirit, dhe përpjekjet për diagnostikimin e hershëm janë thelbësore për të shpëtuar jetë. Ja disa nga mënyrat kryesore për zbulimin e tij:
1. Vetëkontrolli mujor i gjirit: Gratë këshillohen të kryejnë vetëkontrollin e gjirit një herë në muaj duke filluar nga mosha 20 vjeç. Kjo duhet bërë pas menstruacioneve, duke përdorur lëvizje rrotulluese të dorës për të kontrolluar gjinjtë, kraharorin dhe sqetullat.
2. Ekzaminimi klinik: Një kontroll nga mjeku rekomandohet të paktën një herë në vit për të siguruar një vlerësim profesional të shëndetit të gjirit.
3. Mamografia: Një test imazherie që këshillohet për gratë midis moshës 35 dhe 40 vjeç, të paktën një herë në dy vite. Mamografia ndihmon në zbulimin e kancerit në faza shumë të hershme, para se simptomat të shfaqen.
