Pas teatrit politik me protesta, djegie gomash dhe shtyrje me policinë para bashkisë së Tiranës ku kërkohej dorëheqja e Erion Veliajt nga ana e opozitës së Berishës dhe Metës, çiditërisht sot këshilltarët opozitarë vendosën ta bëjnë pushim dhe të zhvillojnë mbledhje me kryebashkiakun e Tiranës.
Por për të fshehur këtë qëndrim të dyfishtë të opozitarëve, mendoi këshilltari i Partisë së Lirisë Tedi Blushi, i cili pasi mbledhja vijoi për minuta të tëra e qetë, mori fjalën duke bërë pak zhurmë në momentin kur Erion Veliaj po mbante fjalimin e programuar.
Blushi i cili hipte sipër kokave të policëve për të na treguar se kërkesën e dorëheqjes të Veliajt e kishte seriozisht, sot pasi dëgjoi dhe pa miratimin e kërkesave të tij, u kujtua që të indinjohet dhe t’i hidhte ca letra kryebashkiakut të Tiranës.
Ndërsa kryetari i bashkisë nga ana tjetër bëri si gjithmonë viktimën duke i thënë se kjo është mungesë edukate.
Pjesë nga debati:
Blushi: Po ju kërkoj me mirësjellje të respektoni procedurën
Kuko: Ju lutem zoti Blushi lejoni të mbarojë kryetari pastaj…jemi në momentin kur po parashtron kryetari…Blushi po ndërprisni seancën, po ju tërheq vëmendjen. Mos ndërprisni mbledhjen
Zoti Blushi mos ndërprisni seancën.
Veliaj: Kjo është mungesë edukate, më ngatërron me atë të bllokut.
(Blushi qëllon me letra)
Veliaj: Jeni komplet i paaftë
Kuko: Blushi jeni i ftuar të lini sallën, mbledhja ndërpritet. Policia bashkiake ju lutem
Kaq ka mjaftuar që mbledhja të mbyllet dhe të gjithë të dalin të fituar: Erion Veliaj duke miratuar kërksat që kishte në plan dhe duke vazhduar i qetë me axhedën e tij në bashki, ndërsa opozitarët që do digjnin bashkinë duke hedhur ca letra sa për të bërë dy lajme në media e për të na treguar se po bëjnë opozitë.
