Një magazinë e përpunimit të lëndëve drusore është përfshirë nga zjarri në zonën e Qafës së Sokolit, pranë rreth rrotullimit të Çermës.
Menjëherë në vendgjarje kanë shkuar zjarrfikëset, për të vënë flakët nën kontroll.
Bëhet me dije se nuk ka lëndime në njerëz, por dëmet materiale janë të shumta.
Flakët janë përhapur me shpejtësi, për shkak të erës së fortë, duke bllokuar edhe qarkullimin e automjeteve në aksin rrugor Lushnjë-Rrogozhinë.
Policia është në vendngjarje për të disiplinuar trafikun.
