Zyhdi Shehu, që dyshohet se vrau një të moshuar në një azil privat pak ditë më pare, ka ndërruar jetë në një spital në Tiranë. Mësohet se Shehu kishte 4 ditë i shtruar në spital.
Para disa javësh 78-vjeçari Zyhdi Shehu dyshohet se goditi për vdekje shokun e dhomës, Vurgil Vesho me bastun, pas një sherri mes tyre që dyshohet se ka nisur, pasi viktima ndodhej në krevatin e autorit.
Shehu ka marrë bastunin dhe ka nisur të godasë shokun e dhomës disa herë. Dy të moshuarit vuanin nga skleroza dhe flinin në një dhomë. Për ngjarjen u arrestuan edhe dy infermiere të azilit që akuzohen se fshehën ngjarjen.
