Moti i keq, i shoqëruar me erëra të forta dhe reshje intensive shiu, ka shkaktuar izolimin e disa fshatrave në zonën e Dukagjinit, Shkodër, për shkak të bllokimit të rrugës lidhëse në dy segmente kryesore. Aksi Prekal–Kir është bllokuar si pasojë e rrëshqitjes së gurëve dhe dherave. Të premten në mëngjes, një pjesë e malit dhe e shkëmbinjve u shemb mbi rrugën që është në ndërtim prej disa muajsh nga bashkia, duke dëmtuar tërësisht punimet e kryera deri tani.
Segmenti Kir–Shosh është gjithashtu i pakalueshëm, pasi një tjetër rrëshqitje mali ka zënë rrugën, duke e bërë të pamundur lëvizjen e banorëve. Bashkia Shkodër ka njoftuar strukturat e emergjencave civile dhe kompaninë kontraktuese për të ndërhyrë, ndërsa ka kërkuar që banorët të tregohen të kujdesshëm në këtë segment rrugor.
Probleme të ngjashme janë raportuar edhe në bashkinë Malësi e Madhe, ku zona e Kelmendit dhe disa fshatra të tjerë po vuajnë mungesën e energjisë elektrike. Ndërkohë, në Vaun e Dejës, mungesa e energjisë prek të gjitha fshatrat, përfshirë Hajmel, Vig Mnele, Temal dhe Shllak. Rrëshqitje dhe vështirësi në qarkullim janë evidentuar edhe në zonat rurale të Pukës dhe Fushë Arrëzit.
Në qarkun Lezhë, stuhia ka shkaktuar ndërprerje të energjisë elektrike në disa zona, përfshirë Zadrimën, bregun e Matës dhe Ishull Lezhën, të cilat janë pa furnizim që nga mbrëmja e djeshme për shkak të dëmtimit të linjave elektrike nga era e fortë. Lundrimi detar në portin e Shëngjinit është pezulluar, pasi dallgëzimi ka arritur deri në 7-8 ballë.
Ndërkohë, niveli i prurjeve në lumenjtë Drin, Mat dhe Gjadër është rritur, por
