Kuvendi i Shqipërisë pritet të mblidhet sot në ora 10:00 në seancë plenare, e cila do të drejtohet nga zëvendëskryetari i Kuvendit, Bledar Çuçi. Në rendin e ditës do të diskutohen tre projektligje të rëndësishme dhe disa projektvendime.
Seanca do të nisë me miratimin e procesverbalit të seancës plenare të datës 28 tetor 2024, pas së cilës do të kalojë në diskutim projektligji “Për shkencën dhe kërkimin shkencor në Republikën e Shqipërisë”.
Në vijim, do të debatohet për projektligjin “Për disa ndryshime dhe shtesa në ligjin ‘Për shërbimin e kërkim-shpëtimit në Republikën e Shqipërisë’” si dhe për një tjetër projektligj për ndryshime në ligjin “Për fondin kullosor”.
Gjithashtu, Kuvendi do të diskutojë dekretin e kthyer nga presidenti Bajram Begaj për ligjin “Për inspektimin në Republikën e Shqipërisë”.
Në rendin e ditës është përfshirë edhe projektvendimi “Për zgjatjen e afatit të Komisionit Hetimor ‘Për Shërbimet Publike të Sterilizimit dhe të Check-up-it në Shëndetësi’” dhe projektvendimi për strukturën, organikën dhe klasifikimin e pagave për personelin e Komisionit Qendror të Zgjedhjeve.
