Në dukje, fushata e Kamala Harris duhej të krijonte një atmosferë ngazëllimi, me gra entuziaste të gatshme për ta mbështetur dhe prezantuar atë përpara një audience besnike – pikërisht lloji i mbështetësve që fushata e saj synonte si bazë kryesore. Megjithatë, ky ishte edhe një nga momentet që ilustroi një nga sfidat më të mëdha të saj. Në fund, siç thekson CNN, kjo pengesë u bë e pakapërcyeshme.
E pyetur në ABC nëse do të kishte bërë ndonjë gjë ndryshe nga Presidenti Biden, Harris u përgjigj: “Nuk më vjen asgjë në mendje.” Kjo përgjigje ilustroi mungesën e një pozicioni të qartë të saj për t’u diferencuar nga administrata aktuale dhe, për pasojë, mungesën e identitetit të fushatës së saj. Edhe pse më vonë tentoi të zbuste këtë përgjigje, duke thënë se do të konsideronte një republikan në kabinetin e saj, dëmi ishte bërë.
Një demokrate që bashkëpunonte me të për CNN shpjegoi se Harris nuk kishte dashur të veçonte ndryshimet që e ndanin nga Biden – si për një normë më të lartë tatimore për të ardhurat e larta, rritjen e mbështetjes për fëmijët apo politikat më të ashpra në kufi – ngaqë mendonte se kjo do të ishte e papërgjegjshme ndaj një presidenti që e zgjodhi si zv.presidenten e tij dhe i hapi rrugën drejt Shtëpisë së Bardhë. Megjithatë, ky hezitim i vazhdueshëm i kushtoi; Harris humbi pjesë të mbështetjes që kishte fituar në javët e para të ripozicionimit të saj si kandidate për presidente.
Në thelb, ky episod nxori në pah edhe probleme më të thella brenda stafit të saj, i cili nuk tregoi aftësi të plotë për të adresuar sfidat e fushatës, si dhe shqetësimin e rritur të publikut. Sondazhet tregonin se shumica dërrmuese e votuesve mendonin se vendi po shkonte në drejtimin e gabuar – një faktor që ndikoi në perceptimin publik mbi kandidaturën e saj.
CNN
