Kamala Harris u shfaq për herë të parë krah Presidentit në detyrë, Joe Biden, që nga humbja e demokratëve në zgjedhjet 5 nëntorit 2024. Presidenti i SHBA, Joe Biden dhe zëvendëspresidentja Kamala Harris morën pjesë në një ceremoni solemne në Ditën e Veteranëve, e cila u zhvillua në Varrezat Kombëtare të Arlingtonit, në Virxhinia. Ky përkujtim shënon armëpushimin që solli fundin e Luftës së Parë Botërore dhe mbahet çdo vit për të nderuar shërbimin e ushtarëve.
Biden dhe Harris vendosën një kurorë lulesh në Varrin e Ushtarit të Panjohur, një simbol i sakrificës dhe shërbimit të pafund të ushtarëve amerikanë. Ky akt përkujtoni ata që dhanë jetën për atdheun dhe është pjesë e një tradite që vazhdon për çdo Ditë të Armëpushimit.
Ky ishte momenti i parë që dy liderët shiheshin së bashku pas zgjedhjes së Donald Trump si President i Shteteve të Bashkuara. Pas ceremonisë, Biden mbajti një fjalim prekës, duke e konsideruar këtë përkujtim si një moment të veçantë në karrierën e tij politike.
“Kjo është hera e fundit që unë qëndroj këtu në Arlington si Komandant i Përgjithshëm. Ka qenë nderi më i madh i jetës sime të udhëheq, të shërbej dhe të kujdesem për ju, ashtu siç na keni mbrojtur ju me guxim dhe sakrificë për çdo brez," tha Biden, duke theksuar angazhimin dhe mirënjohjen e tij për ata që shërbyen dhe sakrifikuan për Shtetet e Bashkuara.
