Më 11 nëntor, Komisioni Europian ka marrë nga autoritetet holandeze një njoftim për ri-vendosjen e kontrolleve kufitare nga data 9 dhjetor deri më 8 qershor 2025. Arsyet e paraqitura janë të disponueshme publikisht në faqen e internetit të DG Home. Si gjithmonë, Komisioni do ta vlerësojë njoftimin dhe do të mbetet në kontakt të ngushtë me autoritetet,” deklaroi një zëdhënëse e Komisionit të BE-së gjatë informimit të përditshëm për shtyp. Pas njoftimit të qeverisë për planet për të kufizuar imigracionin e parregullt dhe trafikimin e emigrantëve, të hënën, ministrja holandeze për azilin dhe migracionin kishte njoftuar fillimin e kontrolleve nga data 9 dhjetor. Edhe Norvegjia, e cila tashmë po kufizonte lëvizjen e lirë të personave, ka vendosur të zgjasë pezullimin e marrëveshjes Schengen deri më 1 dhjetor. Ministrja e Drejtësisë Emilie Mahn deklaroi se kjo masë është zgjatur për të ofruar një mbrojtje më të madhe për qytetarët kundër akteve të mundshme terroriste. Ndalesa e parë kishte hyrë në fuqi më 1 tetor. Norvegjia është një nga vendet jo anëtare të BE-së (të tjerat janë Zvicra dhe Islanda) që kanë nënshkruar marrëveshjet për lëvizjen e lirë me Evropën.
