Kreu i SPAK Altin Dumani foli sot dhe për hetimin pasuror të zyrtarëve të lartë. Një ditë më parë u mësua se SPAK ka nisur hetimin pasuror për kryetarin e Bashkisë së Tiranës Erion Veliaj, bashkëshorten, vëllain dhe mamanë e tij.
Sot Dumani sqaroi se krahas mbledhjes së provave prokurorët e Spak bëjnë dhe hetimin pasuror të të ardhurave dhe pasurive të zyrtarëve të lartë. Tashmë kjo sipas tij është praktikë normale. Sipas kreut të SPAK nëse konstatohen shkelje apo abuzime mund të nisë dhe procedimi pasuror. Që pasohet dhe me sekuestrime preventive siç ka ndodhur në disa raste. Dumani sqaroi se kjo procedurë është pjesë integrale e ligjit Antimafia të adaptuar në Shqipëri. Ai pohoi se fokusimi tek pasuritë e zyrtarëve nën hetim ka dhënë rezultate të dukshme.
