Kandidatët për postin e drejtorit të Përgjithshëm të Policisë së Shtetit janë njoftuar se ditën e nesërme (e mërkurë) nga ora 10 e në vazhdim do të dalin përpara Komisionit për të zhvilluar intervistën.
11 kandidatët pritet të shpallin platformën e tyre për mënyrën sesi planifikojnë ta drejtojnë policinë dhe më pas Komisioni bazuar dhe në të dhënat e mbledhura nga institucionet e tjera do të bëjë renditjen e tyre.
Në garë janë 11 kandidatë, Rebani Jaupi, Idajet Faskaj, Neritan Nallbati, Ardian Çipa, Gentjan Shehaj, Ilir Proda, Skënder Hita, Altin Mena, Pëllumb Seferi, Adriatik Tafçiu dhe Lutfi Minxhozi. 4 kandidatë të tjerë u skualifikuan për shkak se nuk plotësonin kriteret.
Gara për drejtor të Përgjithshëm të Policisë së Shtetit u hap pas doreheqjes së Muhamet Rrumbullakut.
