Trajneri i Kombëtares shqiptare, Sylvinho, ka publikuar listën e lojtarëve të grumbulluar për dy sfidat e shtatorit, pa asnjë ndryshim nga grumbullimi i mëparshëm. Kuqezinjtë do të përballen me Gjibraltarin dhe Letoninë, duke ruajtur të njëjtin grup lojtarësh që arritën barazimin ndaj Serbisë në Tiranë dhe ndaj Letonisë në transfertë.
Të vetmit që mungojnë janë portieri Alen Sherri dhe mbrojtësi Ardian Ismajli, të dy për shkak dëmtimi, ndërsa nuk ka asnjë emër të ri.
Shqipëria do të luajë më 4 shtator ndaj Gjibraltarit në një ndeshje miqësore në “Europa Point Stadium”, ndërsa pesë ditë më vonë do të presë Letoninë në “Arenën Kombëtare” në kuadër të Kualifikimeve për Botërorin 2026.
