Irani ka mohuar kategorikisht çdo lidhje me incidentin e rëndë pranë bazës ajrore RAF Fairford në Britani, e cila përdoret nga Forcat Ajrore të Shteteve të Bashkuara.
Sipas raportimeve të Sky News, mohimi ka ardhur përmes një deklarate të Ambasadës iraniane në Londër, pas arrestimit të pesë personave në lidhje me ngjarjen.
Policia britanike bëri të ditur se pesë të arrestuarit janë shtetas britanikë me banim në Londër. Autoritetet gjetën eksplozivë në tre automjete pranë bazës ajrore, ndërsa pesë burrat u arrestuan nën dyshimet për vepra që lidhen me terrorizmin.
Ngjarja u zbulua pasi një qytetar vuri re gjatë natës lëvizje të pazakonta të një grupi personash dhe njoftoi shërbimet e emergjencës. Policia kundër terrorizmit ka marrë drejtimin e hetimeve për zbardhjen e plotë të rastit.
Autoritetet britanike po hetojnë gjithashtu nëse incidenti mund të ketë ndonjë lidhje me Iranin, por Sekretari britanik i Mbrojtjes, Wes Streeting, ka deklaruar se do të ishte e papërgjegjshme të spekulohej në këtë fazë të hetimeve.
