“Deri kur durim, deri kur me shpresë?
Jo, jo, mos m’i thoni, këto fjalë nuk i due.
Me durim e shpresë nuk due të vdes.
Si jeta dhe vdekja, duhen meritue.”
S’meriton asnjë nder kur mbetesh gur varri.
Ndaj, rri e mendohem jetës me i dhanë fund.
Le të kënaqet hasmi, le të qeshë i marri!
Liria më thërret, vdekja nuk më tund.
O Liri, O Vdekje.”
— Havzi Nela, 1987
???? Më 10 gusht 1988, në qendër të qytetit të Kukësit, u ekzekutua me varje Havzi Nela, poet, mësues dhe zë i lirë, me vendim të Presidiumit të Kuvendit Popullor të drejtuar nga Ramiz Alia, në prag të rënies së regjimit komunist.
???? Në përkujtim të 75-vjetorit të lindjes së tij, shkrimtari Ismail Kadare shkruante:
> “Shqipëria në vitin 1988, në prag të rënies së komunizmit, ishte ende një njollë e zezë në hartën e kontinentit – një njollë turpi dhe krimi në shkallë planetare. Poeti Havzi Nela është një kambanë që ende bie për shoqërinë shqiptare. Të mos e dëgjosh këtë kambanë, do të thotë të vazhdosh të shkelësh me këmbë lirinë e Shqipërisë.
???? Pak nga historia e dhimbshme e një shpirti të lirë:
26 prill 1967: Havziu arratiset drejt ish-Jugosllavisë me bashkëshorten e tij, Lavdien.
6 maj 1967: Ekstradohet nga autoritetet jugosllave në këmbim të atdhetarëve kosovarë, të dorëzuar nga regjimi i Enver Hoxhës.
22 maj 1967: Dënohet me 15 vjet burg për kalim të paligjshëm të kufirit. Gjithë pasuria i konfiskohet. Lavdia dënohet me 10 vjet burg (sipas dosjes nr. 5925).
8 gusht 1975: I shtohen edhe 8 vjet dënim.
19 dhjetor 1986: Lihet i lirë përkohësisht.
12 tetor 1987: Arrestohet sërish dhe internohet në fshatin Arrën.
24 qershor 1988: Gjykata e Lartë jep vendimin për dënim me varje.
10 gusht 1988: Vendimi zbatohet publikisht në Kukës.
Source: AIDSSH
