Sekretari i Jashtëm britanik David Cameron gjatë konferencës me kryeministrin Rama ngriti shqetësimin për sa i përket emigracionit.
“Sa i takon emigracionit ka qenë një partneritet i arrirë dhe shpresoj të jetë shembull për të tjerët. Sepse në të gjithë Evropën problemi i emigracionit të parregullt është një problem që haset. I kam thënë edhe ministrave të tjerë të jashtëm që është një problem që duhet ta përballoni ju”
Rama tha se operacionet e përbashkëta mes dy vendeve për të parandaluar emigracionin e paligjshëm do të vazhdojnë.
"Kemi folur për luftën kundër trafikut të paligjshëm të qenieve njerëzore, ku jemi shumë të kënaqur me rezultatet. Do të godasim këtë trafik edhe në vazhdim, që t’i shkojmë në rrënjë fenomenit, që ka të bëjë me rrjetet e krimit të organizuar." u shpreh Rama
