Drejtuesi politik i Partisë Demokratike për qarkun e Tiranës, Belind Këlliçi, është paraqitur sot në Prokurorinë e Posaçme kundër Korrupsionit dhe Krimit të Organizuar (SPAK). Sipas burimeve, kjo paraqitje lidhet me denoncimet e depozituara prej tij lidhur me aferën “5D” dhe projektin e Inceneratorit të Tiranës.
Këlliçi ka deklaruar më herët publikisht akuzat për keqmenaxhim dhe korrupsion në këto projekte, të cilat i ka cilësuar si dëme të rënda financiare për qytetarët dhe buxhetin e shtetit. Ai ka kërkuar që SPAK të hetojë në detaje këto çështje dhe të mbajë përgjegjës ata që janë të përfshirë.
