Banorët e Krujës dhe Fushë Krujës kanë protëstuar sërish ditën e sotme me kërkesën për të pasur akses në autostradën Thumanë-Kashar. Edhe kësaj radhe nuk kanë munguar forcat e shumta të policisë të cilët nuk kanë lejuar protestuesit të bllokojnë rrugën, duke sjell dhe përplasje mes tyre.
Por ditën e sotme qytetarët janë organizuar dhe kanë kapur në befasi policinë pasi bllokuan autostradën në një tjetër segment të saj ku kanë djegur dhe goma. Menjëherë aty kanë shkuar efektivët të cilët gjatë përplasjes me banorët kanë hedhur edhe gaz lotësjellës.
Një nga qytetarët u shpreh për mediat se Policia po i pengon që të kërkojnë të drejtat e tyre.
‘Ne të bëjmë punën tonë, këta të vetët, s’kemi përse të konfliktohemi. Le të hapin rrugën, ne pagesën e bëjmë. Pse duhet të humbas një orë kohë për të shkuar në shtëpi. S’kam ndërmend të zihem me këta që na kanë sjellë. Mund ta paguaj traun, e kam bërë dhe në Spanjë e kudo. Unë e kam biletën për Angli, por kam vëllain, motrën, njerëzit e mi. Lë t’i japin zgjidhje, unë s’kam ndërmend të përplasem me Policinë’, u shpreh qytetari.
Protesta e banorëve të zonës është bërë e përjavshme pasi institucionet përgjegjëse nuk u ka dhënë zgjidhje thirrjeve të tyre që të kenë hyrja dhe dalje në autostradën e re.
