Pas arrestimit të kryebashkiakut të Tiranës, Erion Veliaj, Lëvizja “Shqipëria Bëhet” dhe “Nisma Thurje” zhvilluan një protestë para Kryeministrisë, duke kërkuar dorëheqjen e kryeministrit Edi Rama.
Adriatik Lapaj theksoi mbështetjen e pakushtëzuar për GJKKO-në dhe SPAK-un në luftën kundër korrupsionit dhe krimit të organizuar. Ai akuzoi qeverinë për kapjen e administratës dhe ushtrimin e presionit mbi qytetarët për vota.
Kreu i “Nisma Thurje”, Endri Shabani, akuzoi Ramën për keqpërdorim të pushtetit dhe pasurive publike, duke e sfiduar me pyetjen: "A u ngopët?" dhe duke kritikuar refuzimin e tij për të dhënë dorëheqjen.
