Sekretari i Shtetit i ShBA, Antony Blinken, ka përcjellë një mesazh urimi për Shqipërinë me rastin e 112-vjetorit të Pavarësisë.
“Në emër të Shteteve të Bashkuara të Amerikës, i shpreh urimet tona më të mira popullit të Shqipërisë teksa ju festoni 112-vjetorin e Pavarësisë,” shkruan Blinken.
Ai theksoi lidhjet e forta midis dy vendeve, duke nënvizuar se marrëdhënia e ngushtë është ndërtuar mbi vlerat e përbashkëta demokratike dhe një dëshirë të përbashkët për paqe dhe siguri.
