Disa nga të emëruarit dhe kandidatë të kabinetit të presidentit të zgjedhur të SHBA-ve, Donald Trump, janë vënë në shënjestër të kërcënimeve.
Ky konstatim nga Trump u konfirmua më herët edhe nga FBI, shkruan CNN.
FBI ka publikuar një deklaratë lidhur me kërcënimet.
“FBI-ja është në dijeni të kërcënimeve të shumta me bomba dhe incidenteve të sulmit që synojnë të emëruarit e administratës dhe ne po punojmë me partnerët tanë për të zbatuar ligjin. Ne i marrim seriozisht të gjitha kërcënimet e mundshme dhe si gjithmonë, inkurajojmë publikun që të raportojnë menjëherë t çdo gjë që ata e konsiderojnë të dyshimtë”, thuhet në deklaratë.
Ekipi i Donald Trump zbuloi sot përmes një deklarate se disa prej të emëruarve të kabinetit dhe të administratës së Presidentit të zgjedhur Donald Trump “janë vënë në shënjestër të kërcënimeve të dhunshme, jo-amerikane”.
Kërcënimet u bënë mbrëmjen e së martës dhe mëngjesin e së mërkurës. Organet e zbatimit të ligjit vepruan me shpejtësi për të garantuar sigurinë e individëve të vënë në shënjestër, tha përmes një deklarate zëdhënësja Karoline Leavitt. Sakaq ajo nuk dha detaje se kush ishte kërcënuar.
Zëdhënësja Leavitt tha se ndër kërcënimet në fjalë ishin edhe njoftimet e rreme tek organet e rendit për një krim në një adresë të caktuar, me qëllim nxitjen e një reagimi të ashpër dhe të armatosur të organeve të rendit ndaj shtëpisë së një individi të caktuar.
