Nga Agim Xhafka
Sot e dëgjova me veshët e mij, e pashë me sytë e mij ministrin e Drejtësisë të artikulonte fraza për të drejta e njeriut. Sigurisht nuk u besoja as tv-ve, as portaleve, asnjë media e natyrshëm në kësi rasti më doli befas pyetja që bëjmë në facebook kur dikush artikulon mendime të kundërta me çka ka shkruar deri dje:
-Të kanë vjedhur profilin mo?
Ose më shkurt:
-E kanë ndërruar Ulsiun? Nuk është ai i mëparshmi?
Kjo çudi erdhi se ministri fliste për prezumim pafajësie, për akuza të kopsitura, për afate rrigoroze, për.. Për ato që Evropa i ka prej kohësh. Por ne e dimë që nuk u ndje hiç, po hiç fare kur u arrestua Berisha pa njoftuar kuvendin, pale të merrte leje atje, kur ish-presidenti Meta u rrëmbye në mes të trafikut si me qënë bandit, kur gazetarëve u konfiskohen mjetet e tyre të punës e ngulet këmbë të tregojnë burimin e lajmit.
Ja pra çfarë na ndodhi sot. E megjithatë duhet ta pranoj se çka tha Ulsiu ishin të gjitha të drejta. Që na bën të themi, o zot mos e lerë ëndërr, bëje realitet. Kushdo kërkon ato që u shqiptuan nga Ulsiu. Që mos dënohet i akuzuari me prova të sajuara, që mos emërtohet kriminel askush pa një vendim gjyqi, që mos shtyhen afatet e hetimit vend e pa vend, që paraburgimi mos të jetë sporti më i pëlqyer i prokurorëve.
Sot Ulsiu foli drejt dhe saktë. Ngelet që të vihen në jetë. Se nga ai dhe Rilindja, ku ai militon, ndodh shpesh që nga e thëna në të bërë është në mes një oqean i tërë.
Ulsiu na tregoi se brenda tij e qeverisë së tij paska dhe një Ulsi tjetër. Të shpresojmë mos na ndërrohet prapë ky person. Mos na bëhet Ulsiu, iu,iu,iu.
