Ditën e sotme priten transferimet e para të emigrantëve nga Italia drejt Shqipërisë, konkretisht në qendrën e Gjadrit, e cila është kthyer zyrtarisht në një CPR (Qendër e Paraburgimit për Riatdhesimin), sipas një dekreti të miratuar nga qeveria italiane.
Kjo është tentativa e katërt nga autoritetet italiane për të zhvendosur emigrantët në anën tjetër të Adriatikut, por ndryshe nga herët e tjera, këtë herë gjithçka duket se do të shkojë sipas planit. Dekreti i datës 28 mars lejon jo vetëm transferimin e azilkërkuesve të ndaluar në det, por edhe të migrantëve të parregullt ndaj të cilëve është lëshuar dekret dëbimi nga komisioneri i policisë dhe është vërtetuar qëndrimi i tyre në një CPR nga një gjyqtar.
Në qendrën e Gjadrit gjithçka është gati për pritjen e emigrantëve, megjithëse ende nuk është konfirmuar zyrtarisht ora e mbërritjes apo kombësia e 40 personave që pritet të vijnë nga Italia.
