Në Gjykatën e Posaçme nisi procesi për ish-kryebashkiakun e Himarës Jorgo Goro, i cili akuzohet për veprën penale “Shpërdorim detyre”, kryer në dy raste dhe mosdeklarim të pasurisë. Goro, tha se i qëndron kërkesës së bërë në seancë paraprake për gjykim të shkurtuar.
Prokurori i çështjes Ols Dado theksoi në seancë se është provuar shpërdorimi i detyrës në dy episode si dhe mosdeklarimi dhe fshehja e pasurisë nga ana e Goros.
Gjykata pranoi kërkesën e Goros për gjykim të shkurtuar.
Bashkë me Goron, nis gjykimi me të njëjtën procedurë edhe për ish zyrtarët e tjerë të bashkisë Vezir Gjikoka dhe Jerasimo Basho.
Ish-kreu i kadastres Vlore Bilbil Aliaj do të gjykohet me gjykim të zakonshëm për këtë arsye gjykata vendosi ndarjen e çështjes.
Seancën e radhës pritet shpallja e pretencës për Ish-kryebashkiakun dhe të pandehurit e tjerë.
Goro akuzohet se shpërdoroi detyrën në lidhje me pronën ku Artan Gaçi ka nisur investimin strategjik.
